韓國두끼辣炒年糕自助餐廳

Share Button

我真係好鍾意街頭小食, 所以好鍾意韓國, 因為呢到有超多特色美食, 尤其喜愛煙煙韌韌嘅年糕, 唔知大家有無去過梨花女子大學附近嘅두끼辣炒年糕自助餐廳呢 ?

呢到有好多唔同形狀嘅年糕, 又有韓國招牌街頭美食魚糕串同米腸,其他選擇有炸魷魚、炸蕃薯、炸紫菜卷、日式餃子、香腸、青口、蔬菜、菇類、泡菜、拉麵、筋麵、白飯、圓粉絲等等, 仲可以用 6 種唔同醬料 (두끼醬、打糕醬、火花醬、宮廷醬、炸醬料、咖喱醬) 自由配搭, 調製啱自己口味嘅湯料同醬汁, 食完第一轉年糕鍋,如果個肚仲有位,可以食第二轉,即係將飯或者拉麵放入鍋中,加埋紫菜絲、粟米粒、泡菜、醬汁,嚟個特色炒飯或炒麵,加埋無限添飲嘅汽水, 我嗰次真係飽到行唔到呀 !

任食任飲食足 90 分鐘都只係 7900 won 一位,唔洗加一, 性價比超高啊!


두끼辣炒年糕自助餐廳
梨花女子大學路 89 號

 

 

Share Button